Віншуем ДНУ "Інстытут гісторыі НАН Беларусі" з 85-годдзем з дня заснавання
Паважаныя калегі!
Інстытут эканомікі Нацыянальнай
акадэміі навук Беларусі шчыра віншуе калектыў Інстытута гісторыі Нацыянальнай
акадэміі навук Беларусі са знамянальнай датай – 85-годдзем з дня заснавання!
Гісторыя Вашага Інстытута
шматгранная і насычаная, багатая на вялікія поспехі і значныя дасягненні.
Плённая дзейнасць супрацоўнікаў Інстытута на працягу дзесяцігоддзяў дазволіла
не проста назапасіць бясцэнны навуковы матэрыял, які служыць надзейнай і
трывалай базай для сучасных даследаванняў гісторыі Беларусі, але і сфарміраваць
нацыянальную навуковую гістарычную школу.
Менавіта таму Інстытут гісторыі сёння
з’яўляецца ядром беларускай гістарычнай навукі, яе галоўным метадалагічным і
каардынуючым цэнтрам, яе візітоўнай карткай. Навуковыя працы супрацоўнікаў
Інстытута па айчыннай і агульнай гісторыі, археалогіі і антрапалогіі шырока
вядомыя і высока ацэненыя навуковай грамадскасцю не толькі ў нашай краіне, але
і за яе межамі. Яны спрыяюць павышэнню прэстыжу Беларусі ў свеце, захаванню і
папулярызацыі нацыянальнай гісторыка-культурнай спадчыны, робяць значны ўклад у
фарміраванне духоўна-маральных асноў жыццядзейнасці беларускага грамадства.
Высокая грамадска-дзяржаўная
значнасць даследаванняў Інстытута гісторыі абумоўлена і тым, што яны забяспечваюць
факталагічную базу нацыянальна-дзяржаўнай ідэалогіі Рэспублікі Беларусь,
фарміруюць уласна беларускі погляд на гісторыю Беларусі і нацыянальную
ідэнтычнасць, спрыяюць умацаванню беларускай дзяржаўнасці.